Escola de Altos Estudos Musicais > organigrama
Laurent Blaiteau

Frauta

Naceu en Angers en 1971. Estudou con Jean-Claude Gérard no Conservatorio Superior de Música de Stuttgart e máis adiante con Maxence Larrieu no Conservatorio Superior de Música de Xenebra. Ademais de participar en numerosas clases maxistrais con Alain Marion, Auréle Nicolet, Patrick Gallois, entre outros, actuou con orquestras como a Filharmónica de Montecarlo, Stuttgart Kammerorchester, Schleswig-Holstein Music Festival Orchester, Bachcollegium, etc. Participou en concertos de música de cámara xunto a recoñecidos profesionais como Radovan Vlatkovic, Sergio Azzolini, Jean-Claude Gérard, Ulf Rodenhauser ou Ingo Goritziki.

Así mesmo actuou como solista baixo as batutas de Jesús López Cobos, Helmut Rilling, Frans Brüggen, Álvaro Albiach, Maximino Zumalave e Antoni Ros Marbà entre outros. Actualmente ocupa o posto de frauta principal na Real Filharmonía de Galicia desde a súa creación.