Escola de Altos Estudos Musicais > organigrama
Carlos Méndez

Contrabaixo

Naceu en San Sebastián. O seu primeiro instrumento foi a frauta traveseira -Título de Grao Medio "66", Primeiro Premio de Honra-. Posteriormente estuda contrabaixo e realiza cursos con Jean Marc Rollez, Yasunori Kawahara, Thomas Martin, Milan Sagat, Antonio G. Araque, Ferrán Sala, e Ludwig Streicher.

Queda na escola técnica e interpretativa deste último, traballando con el na Escola Superior de Música Raíña Sofía. Con frecuencia ofrece recitais para contrabaixo solo e con piano, sendo ademais impulsor e dedicatario de música contemporánea para o seu instrumento.

Prepara habitualmente as filas de contrabaixo da JONDE, JONC e OEMUC, ademais de impartir cursiños e clases maxistrais por toda España. Deseña o Festival de Contrabaixo "Ludwig Streicher" da Escola de Altos Estudos Musicais. É contrabaixo principal da Real Filharmonía de Galicia.