Clases maxistrais de trompeta con Yael Fiuza

martes, 6 Novembro, 2018

O trompetista galego Yael Fiuza impartiu clases maxistrais na Escola. Ademais dos alumnos do centro, tamén asistiron músicos externos. 

 

É trompetista na orquestra da Ópera Alemá de Berlín

 

Yael Fiuza Souto naceu na localidade pontevedresa de Vila de Cruces hai 26 anos. Comeza a súa traxectoria musical aos oito anos de idade na Escola de Música Artística de Merza e prosegue a súa formación na Escola de Altos Estudos Musicais, en Santiago. En 2014 conclúe os seus estudos superiores de trompeta no Conservatorio Superior de Música de Aragón con matrícula de honra.

 

Foi membro titular de varias xoves orquestras, entre elas a Orquestra Xove da Sinfónica de Galicia, a Joven Orquesta Nacional de España, a Schleswig-Holstein Musik Festival Orchester e a Gustav Mahler Jugendorchester. Ten colaborado con agrupacións de toda España e Alemaña. Na actualidade toca na orquestra da Ópera Alemá de Berlín.