Continuando co seu labor formativo no ámbito territorial e tralo éxito das anteriores edicións, a EAEM convoca a undécima edición do Curso de Especialización Instrumental (CEI), impartido polos profesores titulares da EAEM e dirixido aos estudantes de Galicia en período de formación (non graduados). Preténdese con este curso formar a xoves músicos galegos a partir da experiencia dun profesorado altamente cualificado. 

Especialidades: 

Violín

Viola

Violoncello

Contrabaixo

Frauta          

Óboe

Clarinete

Fagot

Trompa

Trompeta

Trombón

Percusión

Características do curso:

Alumnado:

Estudantes de grao medio ou superior.

Duración do curso:

De outubro de 2022 a xuño de 2023.

Profesorado  (ver máis)

Obxetivo do Curso:

É obxetivo do curso o perfeccionamento instrumental da especialidade elixida a través de 15 horas de clase individual repartidas ao longo do curso académico.

Organizaranse actividades de práctica de conxunto en diferentes períodos ao longo do curso.

Presentación de solicitudes:

As solicitudes deberán presentarse ata o día 9 de maio de 2022 a través da páxina web www.eaem.es, acompañadas da seguinte documentación:

• -Curriculum indicando o curso que está a realizar na actualidade.
• -Relación de obras a interpretar.

Darase prioridade aos alumnos que non realizasen estudos noutras edicións do Curso de Especialización Instrumental.

Probas de selección e criterios de selección dos candidatos:

As probas de selección terán lugar os días 15 de maio (cordas) e 21 de maio (ventos e percusión) na sede da EAEM.

As probas realizaranse coa finalidade de cubrir as prazas das diferentes especialidades, en función da disponibilidade e necesidade da Escola.

Aqueles candidatos que non consigan praza como alumnos activos pasarán a integrar unha lista de agarda, que terá un período de validez do ano académico obxecto da convocatoria.

A Escola disporá de pianistas acompañantes para quen así o solicite no boletín de inscrición.

Contido das probas:

O contido das probas poderá descargarse da páxina web da Escola.

Tribunais:

Formaranse tribunais por especialidades onde os membros singulares serán o director asociado e o xefe de estudos e os non singulares serán os profesores da EAEM de cada especialidade.

Matriculación:

Prezo da matrícula: 300 €

Requisitos para a obtención do diploma e condicións de permanencia:

Os alumnos deberán asistir aos ensaios e concertos das actividades de conxunto instrumental nas datas e horarios establecidos.

A carga lectiva mínima das clases individuais para poder continuar no curso e obter o diploma correspondente establécese en 5 horas por trimestre.

No caso de que non se supere a carga lectiva mínima no primeiro trimestre (outubro-decembro), considerarase abandono do Curso, dando lugar a una praza vacante, que poderá ser ofertada aos candidatos da lista de espera por rigorosa orde de puntuación.

O candidato da lista de espera poderá matricularse no curso previo abono da parte proporcional da matrícula do curso.

Perda de condición de alumno e dereitos de matriculación:

Non superar a carga lectiva mínima establecida por trimestre.

Non asistir aos ensaios e concertos nas datas e horarios establecidos.

Diploma:

Todos os alumnos recibirán un diploma acreditativo dos seus estudos.

Os alumnos que realicen o curso con máximo aproveitamento e tras realizar una proba que demostre os seus progresos ao longo do curso, poderán promover un curso máis despois do pagamento da matrícula correspondente.